النعمة زوالة ...
أول مرة كنت أحس بأن بيتى ده نعمة وأنى أنا مش محتاجة اغير فيه ولا كل حاجة فيه تبقى أحدث حاجة عشان أحس أنه نعمة ... المرة دى كانت أول مرة أنزل مع رسالة فى بحث حالات .. بحث الحالات ده عبارة عن حاجة بتتعمل عشان تحدد الأسر المحتاجة عشان رسالة تساعدهم فى عمل مشاريع .
اليوم أبتدى كالآتى أتقابلنا أنا و متطوعتين فى رسالة وكانوا أخدنى معاهم عشان دى كانت أول مرة أنزل وعاوزين يعرفونى الموضوع بيمشى ازاى الغريب أن أحنا كنا رايحين منطقة جنبى أنا عمرى ما رحتها المهم أتقابلنا ورحنا وفضلنا نسأل على العنوان البيت كان فى منطقة فقيرة جدا الشوارع ضيقة جدا وصغيرة جدا وأكيد مش متسفلتة والمفاجأة أنه مكنش فى أرقام بيوت أصلا فكنا ماشيين بنسأل على بيت الست فلانة المهم الحمد لله لاقينا البيت ودخلنا الست استقبلتنا فى البيت اللى وصفه كالأتى عبارة عن زى طرقة كدا صغيرة فى الجنب فى زى درفة خشب وباجور وأطباق على الأرض وده كان المطبخ والست دخلتنا أوضة النوم عشان ده المكان الوحيد اللى ممكن نعقد فيه الأوضة عبارة عن كنبه وسرير معليهمش أى مراتب أو أى حاجة متنجدة من اى نوع طبعا لما قعدت أتفاجات الكنبة ناشفة جدا وبتشوك تخيلوا أنها مش مريحة فى القعاد فما بالكم بالنوم ده المكان اللى همه بيريحوا فيه جسمهم بعد يوم متعب اللى هوه المكان أصلا يتعب لوحده واحنا قاعدين طلعت لينا ورق من تحت السرير وهيه بطلعة عرفت ليه الحاجات ناشفة كدا لأنها ببساطة مش معاها فلوس تنجد فا حاطة ورق كرتون وفوقيه بطانية صوف خشنة جدا ودى كانت أول مرة فى حياتى أعرف أنه فيه شقق مافيهاش حمام وهوه يادوبك حمام مشترك لكل الناس فى العمارة .. متهيألى أنا مكتئبتش فى حياتى على أحوال الناس فى مصر قد اليوم ده ولا روحت عندى كريزة الحمد لله زى اليوم ده لأنى ببساطة عمرى ما أعتبرت أنه المطبخ والتواليت والسجاد والنجف ومرتبة السرير والبطاطين الناعمة دى نعم المفروض أحمد ربنا عليها لأنى ببساطة كنت بعتبرها حاجات مسلم بيها كل الناس عندها كدا حتى لو مش بنفس الكواليتى بس أهى موجودة .. لأ هيه مش موجودة عند ناس كتير ولو كل واحد فينا بص حواليه حيعرف انه ربنا كرمه بمليون حاجة ..
الحاجة اللى أنا عاوزة أوصلها من هذا الموضوع أننا فعلا نحمد ربنا على اللى عندنا ونشوف فعلا كرم ربنا وفضله علينا مش نبص على الحاجة اللى مش عندنا ونتذمر طول الوقت انا معنديش أنا معنديش لأ الحمد لله أكيد كل حد فينا ربنا مديه نعم كتير بس أحنا اللى شاغلين نفسنا باللى مش عندنا وفعلا لازم نبدا نحمد ربنا على اللى عندنا قبل ما يزول ومنحسش بقيمة غير بعد ما نفقده..
الحمد لله .. بسم الله وبحمده عدد خلقة ورضاء نفسه وزنة عرشه ومداد كلماته.. اللهم لك الحمد كا ينبغى لجلال وجهك وعظيم سلطانك .. اللهم لك الحمد حمدا كثيرا طيبا مباركا فيه ملء ما فى السموات والأرض وملء ما بينهما وملء ماشئت من شيئا يارب بعد.. الحمد لله
أول مرة كنت أحس بأن بيتى ده نعمة وأنى أنا مش محتاجة اغير فيه ولا كل حاجة فيه تبقى أحدث حاجة عشان أحس أنه نعمة ... المرة دى كانت أول مرة أنزل مع رسالة فى بحث حالات .. بحث الحالات ده عبارة عن حاجة بتتعمل عشان تحدد الأسر المحتاجة عشان رسالة تساعدهم فى عمل مشاريع .
اليوم أبتدى كالآتى أتقابلنا أنا و متطوعتين فى رسالة وكانوا أخدنى معاهم عشان دى كانت أول مرة أنزل وعاوزين يعرفونى الموضوع بيمشى ازاى الغريب أن أحنا كنا رايحين منطقة جنبى أنا عمرى ما رحتها المهم أتقابلنا ورحنا وفضلنا نسأل على العنوان البيت كان فى منطقة فقيرة جدا الشوارع ضيقة جدا وصغيرة جدا وأكيد مش متسفلتة والمفاجأة أنه مكنش فى أرقام بيوت أصلا فكنا ماشيين بنسأل على بيت الست فلانة المهم الحمد لله لاقينا البيت ودخلنا الست استقبلتنا فى البيت اللى وصفه كالأتى عبارة عن زى طرقة كدا صغيرة فى الجنب فى زى درفة خشب وباجور وأطباق على الأرض وده كان المطبخ والست دخلتنا أوضة النوم عشان ده المكان الوحيد اللى ممكن نعقد فيه الأوضة عبارة عن كنبه وسرير معليهمش أى مراتب أو أى حاجة متنجدة من اى نوع طبعا لما قعدت أتفاجات الكنبة ناشفة جدا وبتشوك تخيلوا أنها مش مريحة فى القعاد فما بالكم بالنوم ده المكان اللى همه بيريحوا فيه جسمهم بعد يوم متعب اللى هوه المكان أصلا يتعب لوحده واحنا قاعدين طلعت لينا ورق من تحت السرير وهيه بطلعة عرفت ليه الحاجات ناشفة كدا لأنها ببساطة مش معاها فلوس تنجد فا حاطة ورق كرتون وفوقيه بطانية صوف خشنة جدا ودى كانت أول مرة فى حياتى أعرف أنه فيه شقق مافيهاش حمام وهوه يادوبك حمام مشترك لكل الناس فى العمارة .. متهيألى أنا مكتئبتش فى حياتى على أحوال الناس فى مصر قد اليوم ده ولا روحت عندى كريزة الحمد لله زى اليوم ده لأنى ببساطة عمرى ما أعتبرت أنه المطبخ والتواليت والسجاد والنجف ومرتبة السرير والبطاطين الناعمة دى نعم المفروض أحمد ربنا عليها لأنى ببساطة كنت بعتبرها حاجات مسلم بيها كل الناس عندها كدا حتى لو مش بنفس الكواليتى بس أهى موجودة .. لأ هيه مش موجودة عند ناس كتير ولو كل واحد فينا بص حواليه حيعرف انه ربنا كرمه بمليون حاجة ..
الحاجة اللى أنا عاوزة أوصلها من هذا الموضوع أننا فعلا نحمد ربنا على اللى عندنا ونشوف فعلا كرم ربنا وفضله علينا مش نبص على الحاجة اللى مش عندنا ونتذمر طول الوقت انا معنديش أنا معنديش لأ الحمد لله أكيد كل حد فينا ربنا مديه نعم كتير بس أحنا اللى شاغلين نفسنا باللى مش عندنا وفعلا لازم نبدا نحمد ربنا على اللى عندنا قبل ما يزول ومنحسش بقيمة غير بعد ما نفقده..
الحمد لله .. بسم الله وبحمده عدد خلقة ورضاء نفسه وزنة عرشه ومداد كلماته.. اللهم لك الحمد كا ينبغى لجلال وجهك وعظيم سلطانك .. اللهم لك الحمد حمدا كثيرا طيبا مباركا فيه ملء ما فى السموات والأرض وملء ما بينهما وملء ماشئت من شيئا يارب بعد.. الحمد لله
No comments:
Post a Comment