كذلك العذاب ولعذاب الآخرة أكبر ..

كذلك العذاب ولعذاب الآخرة أكبر ..

سبحان الله حاجة نورت فى دماغى كدا وعمرو خالد بيحكى قصة اصحاب الجنة وهو بيتكلم عن أنه فى آخر الأيات كان فى آيه كذلك العذاب بمعنى أن هوه ده العذاب اللى فى الدنيا إنه اصلا مش عذاب للناس قد ما هوه حاجة بتبين قدرة ربنا وأنه دى مجرد قرصة ودان المقصود منها انها ترجعك لربنا مش تأذيك وفكرة أنه فى الآخرة الناس هيه اللى حتكون مكان الأرض اللى أتحرقت مش حيبقى مجرد مثال بقى على قدرة ربنا ولا على شكل النار وهيه تقدر تعمل أيه فى الناس بقدرة ربنا طبعا ،
لو فكرنا فى الموضوع حتلاقى أنه قصة أصحاب الجنة دليل على حب ربنا للناس لأنه لو مش بيحبنا ببساطة كان سبنا نتمادى فى الغلط .. يعنى لو فكرنا أنه ربنا كان سابهم ياخدوا ثمار الجنة ويحرموا الفقراء وبقت عادة عندهم أنهم يعملوا كدا كانوا همه اللى حيبقوا فى النار مش جنتهم (:
القصة دى بقت بتخلينى أشوف الحاجات بشكل مختلف وأنه اى حاجة بتحصل فى الدنيا حتى ولو بتضايقنا وأحنا متخيلين أنها فيها ظلم .. أستحالة.. لو شوفنا الأمور كلها بعين أنه ربنا بيحبنا ومش عاوزنا نركن للدنيا وكل فترة لما بنحاول نركن للدنيا ربنا بيوريها لنا على حقيقتها وأنها مجرد عرض زائل وأنه المتعة الحقيقة فى الجنة حاجة تخلينا نحمد ربنا أكتر على أنه بيفوقنا بدرى قبل ما نفوق يوم القيامة ونندم حيث لا ينفع الندم ...
يارب كلنا نشوف الدنيا على حقيقتها ونفهم بجد أنه ربنا بيحبنا وعمره حاشاه أنه يعمل حاجة مش لمصلحتنا لأنه هوه اللى بيحبنا أكتر من أمهاتنا وأكيد عاوز مصلحتنا اللى هيه أن كلنا ننجح فى الأمتحان وندخل الجنة ..الحمد لله على وجود الله (:
ساعات الواحد فعلا بيحمد ربنا على وجوده وعلى أن هوه ربنا
سبحان الله وبحمده سبحان الله العضيم .. سبحان الله وبحمده عدد خلقه ورضاء نفسه وزنة عرشه ومداد كلماته