فـلســـــــــــطين كالــعـادة ,,
أكتر حاجة كانت مخليانى حزينة هذه المرة للى بيحصل فى فلسطين والحصار الأخير على غزة إنى عارفه إن نفس السيناريو حيتكرر حيدخلوا يقتلوا ويهدموا ويشردوا ويخروجوا والناس تقعد تجعع شوية والموضوع ينتهى زى الحصار ده حصل وأنا فى تالتة إعدادى وخرجنا فى مظاهرات ورحنا معهد ناصر وجبنالهم هدايا وورد وطلعنا فى التلفزيون وبعد فترة وإن كانت طويلة شوية أيام الإنتفاضة إلا إن الوضع رجع لما كان عليه وإتكرر تانى فى يناير 2009 وحيتكرر تانى الله أعلم أمتى بس هل إحنا بنتعلم من اللى حصل بناخد خبرة ونقف مع نفسنا نسأل إحنا بيحصل لنا كدا ليه ..لأ وقتها بس كل الناس بتتكلم وكل الناس بتابع وكل القنوات تعمل برامج وأغانى وكأنها الصيحة الجديدة .. الموضة اللى كل الناس بسترزق من وراها ، حد بيفكر دلوقتى الفلسطنين عاملين أيه بعد ما أتهدت بيوتهم ومات أهلهم ..أأأأه نسيت خطة " أعمار غزة "والله هوه ده فعلا الهم اللى يضحك همه يدخلوا يهدوا وأحنا ندفع فلوس نصلح ياريتهم حتى بيصلحوا همه على حسب ما سمعت أن الألمان لسه بيدفعوا فلوس لليهود عشان اللى هتلر عملوا فيهم ...أه طبعا ماهم يهود لازم يدفع فيهم أنما أحنا ممممممممممم...
مش عارفة ليه أول ما سمعت حكاية" أعمار غزة" دى جه فى دماغى مثال أننا بقينا بنربى الفلسطنين زى الخرفان ونهديهم لليهود عشان يدبحوهم ،حد فكر بدل الفلوس اللى حيتبنى بيها وتتهد تانى يديهم الفلوس دى عشان يسلحوا جيش ... أو يشتروا لهم دبابة هدية أى حاجة ... كل ماكنت أشوف فى التلفزيون مساعدات وأكل رايحين أحس هوه الناس دى مش بتفكر.. هوه فى حد له نفس ياكل فى وسط الحرب مش بقول أننا منديهمش مساعدات بس أنت حتعمل أيه لحد لما تداوى له جرحه وتخرجه فى الشارع عشان صاروخ ينسفه متهيألى فكرة الدبابة الهدية تبدو سديدة حاليا .
هوه أحنا ليه بننسى فلسطين .. ليه بنكمل حياتنا عادى ... ليه مش بنحط خطط أننا خلال 10 سنين من دلوقتى حنحارب وأننا محتاجين 1،2،3 عشان ده يحصل ليه بنجعجع وقتها وخلاص ونقعد نلم فى فلوس كأننا بنضيع أحسسنا بالذنب بالفلوس اللى دفعناها عشان لما نشوفهم بيموتوا فى التلفزيون نوهم نفسنا بأننا عملنا اللى علينا .
هوه الفكرة الأسهل حاليا بدل ماندفع فلوس لأعمار غزة نعمل غزة الجديدة زى القاهرة الجديدة كدا بالظبط بس فى الحالة دى تكون غزة الجديدة مش فى فلسطين أصلا نعمل لهم دولة جديدة فى مكان ناء وبكدا كلنا نريح دماغنا ونسيب فلسطين لليهود يشبعوا بيها ظنا منا أنهم بيشبعوا .. وبعد كدا نشوف ايه اللى حيحصل وتبقى هيه دى الطريقة المتبعة كل ما اليهود يحطوا عينهم على أرض نسيبهالهم ونروح مكان تانى ما أحنا فلوسنا كتير بقى نعمل أيه ..
لا أله إلا الله.. اللهم إنى أسالك رد القضاء وأسألك اللطف فيه...
No comments:
Post a Comment