..........................

ماذا حدث لنا هل أصبحنا بهذه التفاهة والفراغ وقلة الأخلاق أهذه الحال التى أرادها الله لنا ورسوله صلى الله عليه وسلم لا أله إلا الله .
لماذا لا نقف مع أنفسنا خمس دقائق ونسأل أنفسنا لماذا يحدث ذلك لنا ماذا فعلنا ليرسل الله لنا رسائل بهذه الحدة لكى نفهم لقد أصبحت عقولنا غليظة لاتفهم ولا تعى بالطرق البسيطة بقينا لازم ناخد على دماغنا عشان نفهم أيه اللى بيحصل .. العالم أنتهى لما ما أتأهلناش لكاس العالم كاس العالم بقى بيدخل الجنة دلوقتى هيه دى أهدافنا العظيمة كأن هيه دى الحاجة الوحيدة اللى أتخلقنا عشانها بقينا بنحارب عشان الكرة بقى الدم بيغلى فى عروقنا عشان ماتش بقينا بنشيل مطاوى وسنج ونجرى ورا بعض كمسلمين عشان حتة كورة لا راحت ولا جت حسبى الله ونعم الوكيل ..............
اللى أنا شايفاه حصل فى السودان ده أحنا نستاهله ونتستاهل أكتر منه عشان مافيش واحد فينا دمه بيغلى ويتنفض وهوه سامع كل يوم عن نساء وبيوت تنتهك حرامتها فى فلسطين والعراق رجال اطفال نساء لايفرقون ..
وأحنا بنتفرج ونحول ولا كأننا شفنا حاجة كان لازم حد من لحمنا ودمنا يتجرى وراه بالمطوة ويحس بالغربة والخوف والرعب عشان نفهم ونحس .. يعنى أيه تشوف واحد بيجرى وراك بمطوة وكله غلى وحقد وكره وأنت بتسأل نفسك انا عملت ايه عشان يعمل فيا كده والناس اللى هناك دى بردو عملت ايه عشان تسيبهم يتبهدلوا لمجرد انك قاعد فى بيتك وحاسس بالأمان فمش فارق معاك العالم يولع لأ زى ماحص لغيرك حيحصل ليك ونزيق بعضكم بأس بعض لوكنا بنقف جنب بعض بجد فى الزنقة الحقيقة مكنش قدر ولا مليون ماتش كورة يفرقنا كنا حنبقى رجالة بجد لينا قضايا وهدف وعايشين عشان نرضى ربنا مش نرضى غرورنا ...........